話說琴天去左轉信和,本來只係為左去買茅原大萌神既新碟PRECIOUS ONE
點知又見到之前題過既ガンダムトリビュートFROM LANTIS,見到真係超平又敗左
本來真係諗住收工番龜,最衰無聊又走多一轉
唔走就無事,一行就中招
見到隻超怨念物(請原諒我唔提係咩野怨念物黎,只能講係隻CD)見到諗都唔諗就馬上買左番黎
最後又見到另外一隻怨念CD又二話不說買左佢
最後超出預算N倍...((淚目
話說今日又走左QM 同面具又去左龍威
當然例行工事去玩GVG New type啦
見到個New type玩艾比安,小弟不自量力去玩艾比安挑呢位New type,最後當然係慘敗啦
之後有個人帶住條女跟我機搞到我無得再覆桌 so sad
呢個時候心中有數既面具已經笑笑口
當我走開既時候,面具同我講:
帶住條女去挑機,實輸死佢
果然o個個人仲衰過我,白白無左27蚊搞到對面11win (一場係上一手,一場係我輸既)
最後一場都無羸到就走左
最好笑既係我初初聽o個個人同佢條女講淨係挑一鋪
題外話:之後見無咩時間,求其玩部TurnA,點知一挑就羸(當然係符符錄錄啦)
可能係對面都羸到想放水休息下啦